Hvers er að óttast?

Það er mjög algengt að fólk lifi lífi sínu í „óttavíddinni“. 
„Óttavíddin“ er staðurinn í huganum þar sem sem ekkert gerist. 

Þú hræðist að taka skrefið í átt að því sem þig langar og leyfir þér að dvelja í þægindarammanum. Ástæðan fyrir því að þú situr fastur í þægindunum ervegna þess að þann stað þekkir þú vel. Þú veist hvernig hlutirnir eru þar. En það gerist ekkert nýtt. Það breytist ekkert. Allt er eins og alltaf og þú heldur áfram að „óttast“ það hvað gerist ef þú tekur skref út fyrir rammann.

Þeir sem þekkja neikvæð og hamlandi áhrif óttans á líf sitt, vilja læra að velja hugrekkið í staðinn. Að taka skrefið og stíga inn í óttann og finna frelsið sem því fylgir. Við höfum öll val þegar kemur að þessu eins og öðru.Við veljum sjálf þann stað sem við erum á. Ef þig langar að breyta til og gera eitthvað öðruvísi, mæli ég með því að þú spyrjir þig spurninga eins og „Ætla ég að velja óttann eða hugrekkið?“ Það er virkilega góð tilfinning að finna frelsið sem kemur í kjölfar því að velja hugrekkið. Þú átt eftir að upplifa stolt. 

Hinn frægi Winston Churchill sagði eitt sinn: „…Aðalatriðið er ekki að vinna eða tapa, heldur hvort maður hafi hugrekki til að gefast aldrei upp.“

Að stíga inn í óttann sinn er að sýna hugrekki. Hugrekki felst í því að takast á við það sem þú hræðist. Hug­rekki er skil­greint sem gæði hugs­un­ar sem ger­ir það að verk­um að einstak­ling­ur nær að tak­ast á við erfiðleika án þess að hræðast.

Þannig má segja að hug­rekki sé sam­bland af trú á eig­in færni og ​kunn­áttu og sýnir um leið vilja­styrkinn sem þú býrð yfir.

Trú á eig­in færni og ​kunn­áttu kem­ur oft sem af­leiðing af því að ganga vel. Það að sigr­ast á þeim áskor­un­um sem maður hef­ur tek­ist á við, veld­ur því að við erum til­bú­in að mæta nýj­um áskor­un­um, aftur og aftur. 

Vilja­styrk­ur er ná­tengd­ur þraut­seigju og seiglu. Í þessu sam­hengi er mikilvægt að vera ekki hrædd­(ur) við að gera mis­tök. All­ir sem hafa náð góðum ár­angri hafa gert fjölda mistaka á leiðinni. Það að taka áskor­un sem get­ur haft mik­il áhrif á þitt líf krefst hug­rekk­is. Mistök eru alltaf til þess að læra af þeim.

Rann­sóknir á af­reksíþrótta­mönn­um úti um allan heim, hafa sýnt það að þeir hugsa ekki um að gera mis­tök, heldur ein­beita þeir sér að því sem þarf að gera og hvernig á að framkvæma hlutina í átt að sigri.

Sjálfs­traust er að sjálf­sögðu mjög mik­il­vægt í þessu sam­hengi.

Að vera meðvitaður um að velja hugrekki í stað þess að leyfa óttanum að stjórna ferðinni, gerir okkur kleift að útrýma neikvæðum áhrifum óttans. Það hjálpar okkur við að þora að vera við sjálf og láta drauma okkar rætast.

Draumarnir rætast ekki í óttavíddinni, þeir rætast um leið og þú ákveður að fara á eftir þeim.